UEFA İrlandiyanın İsraillə bağlı istəyini rədd edib

UEFA İrlandiya Futbol Assosiasiyasının (FAI) gələcək püşkatmalarda milli komandanın İsrail yığması ilə eyni qrupa düşməməsi barədə xahişini rədd edib.

AJMEDIA xəbər verir ki, bu barədə FAI-nin baş direktoru David Kouell bildirib.

İrlandiya və İsrail Millətlər Liqasının B3 qrupunda Avstriya və Kosovo ilə birlikdə yer alıblar. UEFA-nın rəsmi təqviminə əsasən, onların qarşılaşmaları sentyabrın 27-də və oktyabrın 4-də baş tutmalıdır.

"Cavab olduqca birmənalı idi. Onların rəsmi termini var – dəqiq formulyasiyanı xatırlamaya bilərəm, bir növ bir-biri ilə qarşılaşdırılmaması lazım olan komandalar siyahısıdır. Bu, ilk növbədə ictimai əhval-ruhiyyəyə deyil, birbaşa münaqişələrə əsaslanır. İrlandiya və İsrail heç vaxt birbaşa münaqişədə olmayıblar. Mən bu cavabı olduğu kimi qəbul etdim", – deyə idman məmuru BBC-yə açıqlamasında bildirib.

Komandaların oyunları neytral meydançalarda keçiriləcək: birincisi Serbiyada azarkeşsiz, ikincisi isə Macarıstanda irlandiyalı azarkeşlərin iştirakı olmadan baş tutacaq.

İyul ayında FAI nümayəndələri Yaxın Şərqdə davam edən münaqişə fonunda səslənən boykot çağırışlarına baxmayaraq, İsraillə matçların keçirilməsini dəstəkləmişdilər.//Idman.biz