Nobel Fondu 2026-cı ildə Nobel mükafatının məbləğini bu qədər artırır
19 Sentyabr 2026 10:00 | Baxış sayı: 350
Nobel Fondu 2026-cı ildə Nobel mükafatının məbləğini hər kateqoriya üzrə 12 milyon krona (1,22 milyon dollara) qədər artırmaq qərarına gəlib.
AJMEDIA xəbər verir ki, bu barədə fondun mətbuat üçün bəyanatında bildirilib.
Fond ümumilikdə, mükafatın məbləğini hər kateqoriya üzrə 9% və ya 1 milyon kron (101 min dollar) artırdığını qeyd edib.
Fond həmçinin qeyd edib ki, 1901-ci ildə ilk Nobel mükafatları verilərkən mükafatın məbləği hər kateqoriya üzrə 150 min 782 kron olub. Son 15 ildə mükafatın məbləği bir neçə dəfə yenidən nəzərdən keçirilib. 2012-ci ildə bu məbləğ 10 milyon krondan 8 milyon krona endirilib. O vaxtdan bəri mükafatın məbləği üç dəfə artırılıb.
Qeyd edək ki bu il Nobel mükafatı laureatlarının adları 5-12 oktyabr tarixlərində açıqlanacaq. Builki mükafatlandırma mərasimi Nobel mükafatlarının ilk təqdimatının 125-ci ildönümünə həsr olunacaq.
Xatırladaq ki, Nobel mükafatı XIX əsr İsveç sahibkarı, dinamitin ixtiraçısı Alfred Nobelin vəsiyyətinə uyğun olaraq təsis edilib. İlk mükafatlandırma mərasimi 1901-ci ildə keçirilib.
