Qazaxıstana gəmi ilə getmək olacaq

Bakı Beynəlxalq Dəniz Ticarət Limanının baş direktoru Eldar Salahov və Qazaxıstanın Azərbaycandakı səfiri Alim Bayel arasında keçirilən görüşdə tərəflər nəqliyyat-logistika əməkdaşlığını müzakirə ediblər.

AJMEDIA xəbər verir ki, səfir Qazaxıstanın "Kurık – Bakı – Kurık" bərə xəttində sərnişin daşımalarının bərpası təşəbbüsünə dəstəyə görə təşəkkür edib və bu xəttin turizm mübadiləsini gücləndirəcəyini vurğulayıb.

E.Salahov bu istiqamətdə işlərin artıq başlandığını bildirib. Görüşdə, həmçinin Ələt limanında birgə intermodal terminalın tikintisinin sürətləndirilməsi məsələləri də müzakirə olunub.//Bizim.Media