Azərbaycanda 280 min nəfərdən çox işsiz var - STATİSTİKA
17 Sentyabr 2026 17:00 | Baxış sayı: 385
Bu ilin sentyabr ayının 1-ə olan məlumata görə, Azərbaycanda 280,4 min nəfər işsiz şəxs olub.
AJMEDİA açıqlanan rəsmi məlumatlara istinadən xəbər verir ki, bu ilin ilk 8 ayı ərzində ölkədə işsizlərin sayı təxminən 1,3 min nəfər artıb.
Məlumat üçün bildirək ki, bu ayın əvvəlinə olan məlumata görə, iqtisadi fəal əhalinin sayı 5 milyon 434,7 min nəfər olub, onların 5 milyon 154,3 min nəfərini məşğul (işləyən) əhali təşkil edib.
Qeyd edək ki, Azərbaycanda işsizlərin sayı son 20 ildə ən yüksək səviyyəyə 2021-ci ilin əvvəlində çatıb. Qeyd olunan tarixdə ölkədə 375,9 min işsiz olub. Ən aşağı işsizlik səviyyəsi isə 2014-cü ilin əvvəlində qeydə alınıb. 1 yanvar 2014-cü il tarixində ölkədə 236,6 min işsiz olub.
Onu da qeyd edək ki, 2026-cı ilin sentyabr ayının 1-i vəziyyətinə Dövlət Məşğulluq Agentliyinin yerli qurumlarında qeydiyyata alınan işsiz şəxslərin sayı 247,7 min nəfər olub və onların 53,1%-ini qadınlar təşkil edib.//yeniavaz
