İsrail Polisi "Qafqaz mafiyası başçısı" Yanis Yuşvayevin qətlinin üstünün açıldığını elan etdi

Sahil Rayon Mərkəzi Polis İdarəsinin müstəntiqləri Yanis Yuşvayevin Qeysəriyyədə qətlinin üstünü açıblar. Mediada Yuşvayev "Qafqaz mafiyasının başçısı" kimi xatırlanır. O, avqustun 23-də yanacaqdoldurma məntəqəsinin qəlyanaltı barının girişində öldürülüb.

AJMEDİA xəbər verir ki, qətldən sonrakı günlərdə polis ən müasir texnologiya, kəşfiyyat və məhkəmə-tibbi vasitələrdən istifadə edərək əsas şübhəlini - 54 yaşlı Beyt Şean sakini Doron Veyzmanı olduğunu müəyyən edə bilib.

Yuşvayevin özü dəfələrlə ağır cinayətlərdə iştirak etmək şübhəsi ilə saxlanılıb. Xüsusilə, polis onun Or Akivada baş verən bir sıra avtomobil yandırma hücumları, Haderada bir iş adamının evində baş verən atışma və Or Akivada ətrafda olan bir nəfərin yaralanması ilə nəticələnən atışma ilə mümkün əlaqəsini araşdırıb. Bir çox hallarda Yuşvayev kifayət qədər dəlil olmadığı üçün ittiham irəli sürülmədən azadlığa buraxılıb.