Türkiyə OECD ölkələri arasında dizel istehlakında son sıralarda yer alıb

İqtisadi Əməkdaşlıq və İnkişaf Təşkilatına (OECD) üzv ölkələr arasında adambaşına dizel yanacağının istehlakına görə Türkiyə son sıralarda qərarlaşıb.
AJMEDIA xəbər verir ki, Türkiyədə adambaşına düşən dizel istehlakı 0,34 ton neft ekvivalenti təşkil edib.

Qeyd olunur ki, OECD üzrə orta göstərici 0,64 ton olub. Beləliklə, Türkiyədə adambaşına dizel istehlakı təşkilat üzrə orta göstəricidən təxminən 47% aşağıdır.

OECD ölkələri arasında ən yüksək göstərici Avstraliyada qeydə alınıb. Burada adambaşına dizel istehlakı 1,10 ton təşkil edib.

Siyahıda ikinci yeri Norveç (0,90 ton), üçüncü yeri isə Kanada (0,75 ton) tutub.

Digər ölkələr üzrə göstəricilər belə olub:

Avstraliya – 1,10 ton
Norveç – 0,90 ton
Kanada – 0,75 ton
İspaniya – 0,68 ton
Yeni Zelandiya – 0,66 ton
Finlandiya – 0,65 ton
Danimarka – 0,63 ton
ABŞ – 0,60 ton
Almaniya – 0,59 ton
Fransa – 0,59 ton
İsveç – 0,52 ton
İtaliya – 0,50 ton
Cənubi Koreya – 0,45 ton
Böyük Britaniya – 0,42 ton
Niderland – 0,42 ton
Türkiyə – 0,34 ton
Yaponiya – 0,30 ton
Meksika – 0,16 ton

yeniavaz