Azərbaycanlı jurnalistlər İsraildə 7 oktyabr faciəsinin baş verdiyi məkanı ziyarət ediblər

Bir qrup azərbaycanlı jurnalist 2023-cü il oktyabrın 7 -də İsraildə baş vermiş hücum nəticəsində 360-dan çox insanın həlak olduğu "Nova" musiqi festivalının keçirildiyi məkanı ziyarət edib.

Jurnalistlər faciə yerini ziyarət edib və hücumdan sağ çıxan festival iştirakçılarından biri ilə söhbət ediblər.

"Festivalda müxtəlif millətlərdən və dinlərdən olan insanlar iştirak edirdi - hamı zərər çəkdi. Bu, heç kimin nə baş verdiyini anlamadığı bir qətliam idi", - o bildirib.

Jurnalistlər həmçinin yaxınlıqda yerləşən rayonlara və Qəzza zolağı ilə sərhəddən uzaq olmayan kibbutslara da baş çəkiblər. Jurnalistlər HƏMAS yaraqlılarının hücumundan sağ çıxan sakinlərin hekayələrini dinləyiblər.

"Sektorla sərhəd kəndimizdən təxminən 700 metr məsafədə yerləşir. Hər şey çox sürətlə baş verdi, biz buna hazır deyildik", - hadisə şahidi bildirib.

"Nova" festivalı 6-7 oktyabr 2023-cü il tarixlərində Reim kibbutsu yaxınlığında keçirilib. Oktyabrın 7-si səhər saatlarında HƏMAS yaraqlıları festival ərazisinə daxil olaraq tədbir iştirakçılarına hücum ediblər. Nəticədə 364 nəfər həlak olub.//report