Berlinin mərkəzində baş verən hücumun səbəbi Davud Ulduzu olub

Berlinin mərkəzində iki naməlum kişi boynuna Davud Ulduzu taxan 43 yaşlı qadına hücum edib.

AJMEDİA xəbər verir ki, onlardan biri qırıq şüşə butulkadan istifadə edərək qadının əlini kəsib. Qadın xəstəxanaya aparılıb.

Hücum cümə axşamı gecəsi saat 2:30 radələrində Mitte rayonundakı Torstrasse küçəsində baş verib. Berlin polisinin məlumatına görə, iki kişi qadının boynunda Davud Ulduzu olduğunu görüb, onunla danışıb və antisemit təhqirləri qışqırmağa başlayıb. Daha sonra onlardan biri qırıq butulka ilə ona hücum edib. Qadın zərbələrdən əli ilə qorunarkən kəsiklər alıb.