Israel Katz: Təhlükəsizlik zonasını tərk etməyəcəyik

Katz səfər yerindən təxminən 35 kilometr aralıda - Dəməşqdəki sarayında olan Suriya Prezidenti Əhməd əl-Şaraya müraciət edərək deyib: "Biz Hermon dağındayıq, təhlükəsizlik zonasındayıq və buranı tərk etməyəcəyik".

İsrailin müdafiə naziri, həmçinin İrana yeni zərbələr endirə biləcəkləri ilə hədələyib. O vurğulayıb ki, İsrail artıq İrana iki dəfə hücum edib və təhlükələrin qarşısını almaq üçün ehtiyac yarandığı halda üçüncü dəfə də zərbə endirəcək.

Qeyd edək ki, İsrail qüvvələri 2024-cü ilin dekabrında Bəşər Əsəd rejiminin devrilməsindən bəri Suriyanın cənubundakı bu zonada nəzarəti ələ alıb. İsrail 1974-cü ildən bəri BMT qüvvələrinin patrul etdiyi və İsrail tərəfindən Colan təpələrində iki ölkə qüvvələrini ayıran keçmiş bufer zonaya daxil olub.

Katz iki həftə əvvəl də Suriyanın cənubundakı İsrail mövqelərinə baş çəkmişdi.//olke.az