Gideon Saar: Fələstinliləri Qəzzadan zorla çıxarmaq planımız yoxdur

İsrailin xarici işlər naziri Gideon Saar bildirib ki, ölkəsinin fələstinliləri Qəzza zolağından zorla çıxarmaq və ya qovmaq planı yoxdur.

AJMEDIA xəbər verir ki, bu barədə "The Times of Israel" qəzeti məlumat yayıb.

Saar İsrail səfirliyinin açılışında iştirak etdiyi Lyublyanada keçirilən mətbuat konfransında bildirib: "Biz Qəzza zolağından heç kimi qovmağı və ya deportasiya etməyi planlaşdırmırıq. İsrail Qəzzanı könüllü olaraq tərk etmək qərarına gələnləri qəbul etməyə hazır bir ölkə tapılarsa, mane olmayacaq. Biz heç kimi iradəsinə zidd olaraq məcbur etməyəcəyik".