Azərbaycan Yəhudi Media Mərkəzi bütün yəhudiləri Roş Ha-Şana münasibətilə təbrik edib

Azərbaycan Yəhudi Media Mərkəzi (AJM) yəhudi xalqının ən mühüm bayramlarından biri olan Roş Ha-Şana – Yəhudi Yeni ili münasibətilə dünya yəhudilərinə təbrik ünvanlayıb.

Təbrikdə yeni ilin bütün yəhudi ailələrinə sülh, sağlamlıq, firavanlıq, xoşbəxtlik və əmin-amanlıq gətirməsi arzulanıb.

AJM qeyd edib ki, Roş Ha-Şana yalnız yeni təqvim ilinin başlanğıcı deyil, həm də keçmişə nəzər salmaq, gələcək üçün xeyir-dua diləmək, ailə və birlik dəyərlərini daha da möhkəmləndirmək baxımından xüsusi əhəmiyyət daşıyır.

Azərbaycan Yəhudi Media Mərkəzi öz təbrikində bütün yəhudilərə “Şana Tova u-Metuka!” – “Xoş və şirin il!” arzulayıb.

AJM-in bayram mesajında Azərbaycanın çoxəsrlik multikultural və tolerantlıq ənənələrinin, burada yaşayan müxtəlif xalqların və dini icmaların birgəyaşayışının xüsusi dəyər daşıdığı vurğulanıb.

Azərbaycan Yəhudi Media Mərkəzi olaraq bütün yəhudiləri Roş Ha-Şana münasibətilə ürəkdən təbrik edir, yeni ilin hər bir ailəyə sevinc, ruzi-bərəkət, sağlamlıq və xoş xəbərlər gətirməsini arzulayır.

Şana Tova u-Metuka!