Ramiz Mehdiyevin yanında kim qalır? - "Bazarlığı mən edirəm"
6 dəqiqə əvvəlZelenski yenə Trampla danışdı
13 Oktyabr 2025 09:36 | Baxış sayı: 310
Ukrayna Prezidenti Volodimir Zelenski ABŞ Prezidenti Donald Trampla son sutkada ikinci dəfə telefonla danışıb.
AJMEDIA.NEWS xəbər verir ki, bu barədə Zelenski “Telegram” səhifəsində bildirib.
“Mən indicə ABŞ Prezidenti Donald Trampla iki gündə ikinci dəfə danışdım və bu gün də çox məhsuldar söhbətimiz oldu”, - deyə Zelenski qeyd edib.
Onun sözlərinə görə, oktyabrın 11-də keçirilən danışıqlardakı eyni məsələlər – Ukraynanın hava hücumundan müdafiəsinin gücləndirilməsi, habelə enerji sektorunun bərpasına köməklik müzakirə edilib. Ukraynanın uzaqmənzilli silahlarla təmin edilməsi də ayrıca müzakirə olunub.
"Prezident Tramp baş verən hər şeydən yaxşı məlumatlıdır. Söhbətimizi davam etdirməyə razılaşdıq və komandalar hazırlaşır. Təşəkkür edirəm!", - deyə Ukrayna lideri əlavə edib.
