Zelenski: Bizim də, Putinin də vəziyyəti çətindir

“Ukrayna hazırda cəbhədə çətin vəziyyət yaşayır, amma Rusiyanın tammiqyaslı işğalının ilk günlərindən daha çətin deyil. Rusiya da istədiyi nəticələri əldə edə bilmir”.

AJMEDIA.NEWS xəbər verir ki, bunu Ukrayna Prezidenti Volodimir Zelenski deyib.

“Ukraynanın indi müharibədə uduzduğuna inanırmı” sualına cavabında prezident bildirib:

“Xeyr, mən belə düşünmürəm. Əlbəttə, bizim üçün çətin vəziyyətdir, amma işğalın ilk günlərindən çətin deyil. O zaman da mən və xalqımız, əsgərlərimiz, hamımız müstəqilliyimizdən, haqqımızdan, dövlətimizdən, canımızdan əl çəkməyə hazır deyildik. Bu gün vəziyyət başqadır. Çünki döyüş meydanında Putinin vəziyyəti indi daha ağırdır”.

Zelenski vurğulayıb ki, indi partnyorlardan Putinə sərt cavab vermək üçün doğru zamandır.