Yerusəlim Makronun İsrailə səfər niyyətini "yersiz" hesab edir

Fransa İsrailin təhlükəsizlik maraqlarına zidd addımlar atarkən Prezident Emmanuel Makronun ölkəyə səfəri arzuolunmaz və yersizdir.

AJMEDIA.NEWS xəbər verir ki, bunu İsrailin xarici işlər naziri Gideon Saar fransalı həmkarı Jan-Noel Barrot ilə telefon danışığında bildirib.

Saar Barrotu Parisin Fələstin dövlətini tanımaq planlarına yenidən baxmağa çağırıb və belə bir təşəbbüsün Yaxın Şərqdəki vəziyyəti sabitsizləşdirəcəyini və İsrailin milli maraqlarına və təhlükəsizliyinə zərər verəcəyini bildirib.

"Prezident Makronun İsrailə mümkün səfəri ilə bağlı nazir Saar həmkarına bildirib ki, Fransa İsrailin maraqlarına zərər vuran təşəbbüs və səylərini davam etdirdiyi müddətcə belə bir səfər yersizdir", - İsrail XİN-in mətbuat xidməti bildirib.

Yerusəlim Parisdən təhlükəsizlik üçün əhəmiyyət kəsb edən məsələlərdə İsrailin mövqeyinə hörmət göstərməsini tələb edir.

Sentyabrın 4-də İsrailin baş naziri Benyamin Netanyahu Makronun İsrailə səfərini rədd edib . Bu, Fransa prezidentinin BMT Baş Assambleyasının qarşıdan gələn sessiyasında Fələstini tanımaq planları ilə bağlı bəyanatına cavab hesab olunur.