Xamenei dəhşətli insandır, öldürülməlidir - Qrem

Respublikaçı senator Lindsi Qrem İranda davam edən etirazlar fonunda ABŞ Prezidenti Donald Trampa İranın Ali rəhbəri Əli Xameneinin öldürülməsini təklif edib.

AJMEDIA.NEWS xəbər verir ki, o, Trampı İran xalqının yanında durduğuna görə tərifləyib, Xameneini isə “dəhşətli insan” adlandırıb.

O bildirib ki, İran rəhbərinin getməsinin vaxtıdır, bu, xalqın istəyidir.

“Donald Tramp deyir ki, İranı yenidən böyük etməyin ən yaxşı yolu etirazçıların qələbəsi və rejimin devrilməsidir. Buna necə nail olacağıq? Cənab prezident, atacağımız istənilən addım etirazçıları ruhlandırmalı, rejimi qorxutmalıdır”, - Qrem vurğulayıb.

Senator əlavə edib ki, əgər özü Trampın yerində olsaydı, öz xalqına qarşı olan liderləri öldürərdi. Qrem ABŞ Prezidentini buna son qoymağa çağırıb.