“WhatsApp”da mesajlarla bağlı inqilabi yenilik

“WhatsApp” mesajlaşma ilə bağlı yenilik üzərində işləyir.

AJMEDİA.NEWS xəbər verir ki, yeniliyə əsasən istifadəçilər “WhatsApp”ı olmayan şəxslərlə də söhbət edə biləcək. Məlumata görə, yenilik “WhatsApp”ın beta versiyasında müşahidə edilib. Yeniliyə görə, “WhatsApp” xaricindəki insanlarla söhbət etmək üçün əlavə alətlər və ya addımlar tələb edilməyəcək. Bu, xidmətin regionda fəaliyyət göstərməsi üçün Avropa Rəqəmsal Bazarlar Qanunu tələblərinə tabe olmalıdır.

Funksiya aktivləşdirildikdən sonra SMS vasitəsilə söhbət etmək mümkün olacaq. Yeni funksiya mesajlar, şəkillər, videolar, səsli mesajlar və digər funksiyaları dəstəkləyəcək.“WhatsApp” həmçinin istifadəçilərə bu söhbətləri adi söhbətlərdən ayırmağa imkan verir və söhbətin tətbiqdən kənarda aparıldığını qeyd edir.