Uralda azərbaycanəsilli biznesmen ölü tapıldı

Rusiyanın Ural bölgəsinin Sverdlovsk vilayətində itkin düşmüş azərbaycanəsilli sahibkar İlqar Xanadanovun meyiti tapılıb.

AJMEDİA.NEWS e1.ru-ya istinadla xəbər verir ki, 49 yaşlı sahibkar oktyabrın 24-də Zareçnidə itkin düşüb.

Beşgünlük axtarışlardan sonra ailə üzvlərinə onun cəsədinin "Mercedes" markalı maşınından tapıldığı bildirilib.

İlqar Xanadanovun həyat yoldaşı Tatyana Xanadanova deyib:

"Oktyabrın 29-da yoldaşımı ölü halda tapdılar. Dünən müstəntiqlər gecəyədək işlədilər, ona görə də hadisənin təfərrüatını ancaq bu gün biləcəyik. Amma artıq təsdiqlənib ki, bu qətldir, araşdırma aparılır".