Ukraynada məşhur sinaqoq yandırıldı - FOTOLAR

Ukraynanın Çernovtsı vilayətinin Bukovina bölgəsində dünyada ən məşhur sinaqoqlardan biri yandırılıb.

AJMEDİA.NEWS Strana.ua-nın "Telegram" kanalına istinadla xəbər verir ki, bu barədə İsrailin Ukraynadakı səfiri Mixail Brodski və Ukraynanın Birləşmiş Yəhudi İcması məlumat veriblər.

Məlumata görə, psixi xəstəlikdən əziyyət çəkən naməlum kişi Sadqorada yerləşən sinaqoqa daxil olub və kitabları toplayaraq od vurub.

Bildirilir ki, polis dərhal hadisə yerinə gəlib və kişini saxlayıb. Məlum olub ki, o, bir ay əvvəl yerli kilsəni yandırmağa cəhd edib.

Qeyd edək ki, Sadqoranın əsas sinaqoqu təxminən 1770-ci ildə inşa edilib. Rəvayətə görə, binanın təməli üçün torpaq Yerusəlimdən gətirilib.