Ukrayna Rusiyada neft kəmərini partlatdı

Rusiyada “Drujba” neft kəmərinin bir hissəsində partlayış baş verib. Bu kəmər vasitəsilə Rusiya bəzi Avropa ölkələrinə çatdırılır.

AJMEDIA.NEWS xəbər verir ki, bu barədə UNIAN Ukrayna kəşfiyyatındakı mənbə məlumat verib.

Mənbənin bildirdiyinə görə, neft kəmərinə hücum Taqanroq-Lipetsk xəttinin Kazinski-Visilki yaşayış məntəqəsi yaxınlığında həyata keçirilib. Əməliyyatda məsafədən partladılan və əlavə yanıcı qarışıqlarla təchiz edilmiş partlayıcı maddələrdən istifadə olunub.

Məlumatda deyilir ki, hücumdan sonra Kazinski-Visilkidə güclü partlayış səsləri eşidilib, ardınca yanğın başlayıb.

Ukrayna kəşfiyyatı əmin edib ki, Rusiya hücumları dayandırmayana qədər onun neft infrastrukturu partlamağa və yanmağa davam edəcək.