Türkiyə "F-35" almaq istəyirsə, bu addımı atmalıdır – ŞOK AÇIQLAMA

Ankara Amerikanın F-35 qırıcı təyyarələri proqramına qayıtmaq üçün Rusiyanın S-400 hava hücumundan müdafiə raket sistemlərindən imtina etməlidir.

AJMEDIA xəbər verir ki, bunu ABŞ-ın Türkiyədəki səfiri Tom Barrak X hesabında yazıb.

Onun sözlərinə görə, bu məsələ ilə bağlı danışıqlar davam edir: "ABŞ qanunlarına görə, Türkiyə F-35 proqramına qayıtmaq üçün artıq S-400 sistemini işlətməməli və ya ona sahib olmamalıdır".

Diplomat qeyd edib ki, ABŞ və Türkiyə prezidentləri Donald Tramp və Rəcəb Tayyib Ərdoğan arasındakı münasibətlərin hazırkı səviyyəsi "bu mövzuda son on ildə ən məhsuldar müzakirələrə səbəb olan yeni əməkdaşlıq atmosferi yaradıb": "Ümid edirik ki, yaxın aylarda bu danışıqlar həm ABŞ-ın, həm də Türkiyənin təhlükəsizlik ehtiyaclarını ödəyən bir irəliləyiş əldə edəcək".

Qeyd edək ki, ABŞ 2019-cu ildə müqavilə əsasında Rusiya S-400 hava hücumundan müdafiə sistemlərini aldıqdan sonra Türkiyəni F-35 qırıcı təyyarələri proqramından kənarlaşdırıb.//musavat.com