Trampın xüsusi elcisini ABŞ-da “satqın” elan etdilər

Nümayəndələr Palatasının üzvü və respublikaçı Don Beykon bəyan edib ki, Uitkoff Kremlin maraqları üçün işləyir və ona danışıqlar aparmaq etibar edilə bilməz:

“Rusiya işğalına qarşı çıxan və Ukraynanın suveren və demokratik dövlət olaraq qalmasını istəyən hər kəs üçün aydındır ki, Uitkoff tamamilə Rusiyanı dəstəkləyir. Ona bu danışıqları aparmaq etibar edilə bilməz. Məgər rusiyadan pul alan agent ondan daha pis iş görərdi? Onun vəzifədən azad edilməsi lazımdır”, – deyə Beykon vurğulayıb.

Bloomberg-in Uitkoff və Uşakov arasında söhbətlə bağlı material dərc etməsindən sonra digər konqresmenlər də tənqidlə çıxış ediblər:

Konqresmen Ted Liu Uitkoffu “əsl satqın” adlandırıb və vurğulayıb ki, o, Rusiyaya yox, ABŞ-a xidmət etməlidir.
Respublikaçı Brayan Fitspatrick: “Bu ciddi problemdir. Və bu, həmin mənasız şouların və gizli görüşlərin niyə dayandırılmalı olduğunun səbəblərindən biridir. Dövlət katibi Rubioya öz işini dürüst və obyektiv şəkildə görməyə imkan verin.” ABŞ-ın Rusiyadakı keçmiş səfiri Maykl Makfol həmçinin qeyd edib ki, milli təhlükəsizlik sahəsində çalışan hər kəsin vəzifəsi ABŞ-ın maraqlarını irəli sürməkdir, xüsusilə də Putin kimi barbar imperiya müharibə təşviqatçılarının maraqlarını deyil.