Tramp: “Düşmən tam məğlub edilənə qədər dayanmayacağıq”

ABŞ prezidenti Tramp İranla bağlı açıqlamasında sərt mövqe nümayiş etdirib.

AJMEDIA.NEWS xəbər verir ki, Tramp son çıxışında hərbi əməliyyatların düşmən tam və qəti şəkildə məğlub edilənə qədər davam edəcəyini bildirib.

Trampın sözlərinə görə, ABŞ və müttəfiqləri artıq bir çox istiqamətlərdə üstünlük əldə edib, lakin bu hələ kifayət deyil:

“Düşmən tam və qəti şəkildə məğlub edilənə qədər heç vaxt dayanmayacağıq. Bir çox baxımdan artıq qalib gəlmişik, amma hələ kifayət qədər qələbə qazanmış deyilik”.

Qeyd edək ki, ABŞ prezidentinin bu açıqlaması əvvəlki bəyanatı ilə ziddiyyət təşkil edir. Belə ki, Tramp bundan təxminən bir saat əvvəl verdiyi açıqlamada müharibənin demək olar ki, başa çatdığını demişdi.

Yeni bəyanat isə Vaşinqtonun hərbi əməliyyatları davam etdirmək niyyətində olduğunu göstərir və regionda gərginliyin hələ də yüksək səviyyədə qaldığını nümayiş etdirir.