Təl-Əvivdən Tehrana misilsiz zərbə: Hökumət binaları hədəfdə

İsrailin müdafiə naziri İsrael Kats bəyan edib ki, hazırda İsrail Hərbi Hava Qüvvələri Tehrandakı hökumət hədəflərinə qarşı “misilsiz gücə” malik hava zərbələri həyata keçirir.

AJMEDİA xəbər verir ki, nazirin sözlərinə görə, bu hücumlar İsrail tarixində ən miqyaslı və dağıdıcı əməliyyatlardan biridir və İranın dövlət strukturlarını hədəfə alır.

“Biz bu dəfə yalnız sərhəd bölgələrini yox, birbaşa qərarverici mərkəzləri vururuq. İran rəhbərliyi cavabımızın ölçüsünü tam dərk edəcək,” – deyə nazir vurğulayıb.

Hücumun nəticələri barədə hələlik rəsmi məlumat açıqlanmayıb, lakin ilkin xəbərlərə görə, Tehran ətrafında güclü partlayış səsləri eşidilib və bəzi hökumət obyektlərində yanğınlar qeydə alınıb.