Təl-Əvivdə Qafqaz festivalı keçirilib

Dünən Təl-Əvivdə Qafqaz festivalı keçirilib.

Qafqaz xalqlarının, o cümlədən Azərbaycanın mədəni irsi müxtəlif mədəni və musiqi mərkəzlərinin kollektivləri, eləcə də Qafqaz və Azərbaycan mətbəxinin ənənələrini ciddi şəkildə qoruyub saxlayan kulinariya ustaları tərəfindən təqdim olunub.

Festivalın çoxsaylı iştirakçıları arasında xüsusilə Or Akivadan olan “Sevgi” musiqi mərkəzi seçilib.
Bu kollektiv qədim dağ yəhudisi və Azərbaycan mədəniyyətlərinə sadiqliyi ilə hamının rəğbətini qazanıb və bu iki mədəniyyəti birləşdirən rəngarəngliyi nümayiş etdirib.

Təhsil Nazirliyinin və digər dövlət və ictimai təşkilatların dəstəyi ilə keçirilən bu möhtəşəm tədbirdə fəxri qonaq qismində Kiryyat Yam şəhərində yerləşən Qafqaz klubunun sədri, bizim dostumuz Ben Tsion Şmayelov iştirak edib.
Ben Tsion həm İsraildə, həm də Azərbaycanda Qafqaz icmasının fəal nümayəndəsidir.

AJM üçün xüsusi verdiyi müsahibədə Ben Tsion qeyd edib ki, Qafqaz icması ümumilikdə, xüsusilə isə Azərbaycan icması həm İsraildə, həm də Azərbaycanda yüksək fəallıq göstərir.
Son dövrdə iki ölkə arasında mədəni və digər əlaqələr daha da güclənib.

Ben Tsion yaxın zamanda işgüzar və mədəni missiya ilə yenidən Azərbaycana səfər edəcək.
Təl-Əvivdə keçirilən festival İsraildə Qafqaz icmasının inkişafının nə qədər vacib olduğunu göstərdi.

Onun sözlərinə görə, festivalda Qafqaz icmasından, o cümlədən Azərbaycandan olan çox sayda insanlar iştirak edirdi.
Festival fotoları üçün hörmətli Ben Tsiona təşəkkür edirik.

AJM-in İsraildəki büro rəhbəri – İqor Roytapel.
Foto: Ben Tsion Şmayelov.