Suriyada Bəşər Əsədin həbsinə order verildi

Dəməşq məhkəməsi keçmiş prezident Bəşər Əsədin həbsinə order verib.
AJMEDİA xəbər verir ki, bu barədə Suriyanın “Sana” xəbər agentliyi məlumat yayıb.

Hesabatda qeyd olunur ki, Əsədə qarşı həbs qərarı çıxarılan ittihamlar “2011-ci il noyabrın 23-də Dərada baş verən hadisələrlə” bağlıdır.

Suriya Ali Məhkəməsinin nümayəndələri izah ediblər ki, Suriya məhkəməsinin verdiyi həbs qərarı Əsədin beynəlxalq axtarışa verilməsi imkanını açır.

2011-2013-cü illərdə Dərada Əsəd hökumətinin müxalifləri ilə hökumət qüvvələri arasında toqquşmalar baş verib.

Bəşər Əsəd hökuməti 2024-cü ilin dekabrında devrilib. Rusiya Suriyanın keçmiş prezidentinə sığınacaq verib.

Sentyabrın əvvəlində Fransa Əsəd və onun hökumətinin daha altı yüksək rütbəli məmurunun həbsinə order verib. Sərəncam 2012-ci ildə hökumətin Homs şəhərini bombalaması zamanı iki jurnalistin ölümü ilə bağlıdır.//yeniavaz.com