"Şok xəyanət" - Tramp Dieqo Qarsiya adasına görə Londonu tənqid etdi

Donald Tramp ABŞ hərbi bazasının olduğu Dieqo Qarsiya adasının Mavrikiyə verilməsinin Britaniyanın zəifliyinin əlaməti olduğunu bildirib.

AJMEDİA.NEWS xarixi mediaya istinadla xəbər verir ki, ABŞ prezidenti Londonun qərarını kəskin şəkildə pisləyib və xəbərdarlıq edib ki, bu cür addımlar Moskva və Pekin tərəfindən diqqətdən kənarda qalmayacaq.

Tramp yazıb: "Bu, şokedicidir, amma bizim "parlaq" NATO müttəfiqimiz Böyük Britaniya, ABŞ-nin həyati əhəmiyyətli hərbi bazasının yerləşdiyi Dieqo Qarsiya adasını heç bir səbəb olmadan Mavrikiyə vermək üzrədir".

Onun sözlərinə görə, strateji əhəmiyyətli ABŞ bazasının yerləşdiyi əraziyə nəzarəti əldən vermək "ən böyük axmaqlıq hərəkəti" kimi görünür.

Tramp Dieqo Qarsiya ilə bağlı durumdan Qrenlandiyanı əldə etmək planlarını əsaslandırmaq üçün arqument kimi istifadə edib.

Bu, Qrenlandiyanın əldə edilməsi üçün milli təhlükəsizlik səbəblərinin uzun bir sırasında daha biridir. Tramp bildirib ki, Danimarka və onun Avropa müttəfiqləri düzgün iş görməlidirlər.