Rusiyada WhatsApp-ın bloklanması an məsələsidir

Rusiyada ən populyar messencerlərdən olan WhatsApp-ın bloklanması artıq yalnız zaman məsələsi kimi qiymətləndirilir.

AJMEDİA.NEWS xəbər verir ki, bu barədə Dövlət Dumasının deputatı Anton Nemkin açıqlama verib.

Deputat bildirib ki, ölkədə informasiya təhlükəsizliyi sahəsində aparılan siyasət fonunda xarici messencerlərin məhdudlaşdırılması prosesi sürətləndirilib. Onun sözlərinə görə, Rusiya öz “suveren rəqəmsal məkanını” formalaşdırmağa çalışdığı üçün Facebook və Instagram kimi WhatsApp da eyni aqibətlə üzləşə bilər.

Hazırda Rusiyada milyonlarla istifadəçi sosial şəbəkələrə maneəsiz giriş üçün etibarlı VPN xidmətlərindən istifadə edir. Nemkin hesab edir ki, texniki məhdudiyyətlərin artması fonunda bu praktika daha da genişlənə bilər.