"Balaəlinin mənə 300 manat borcu var, VERMİR" - Meyxanaçı
3 saat əvvəlQonşu ölkədə “iPhone”un idxalına qadağa qoyula bilər
10 İyul 2025 10:30 | Baxış sayı: 296
Rusiyada "iPhone" smartfonlarının idxalına qadağa qoyula bilər.
AJMEDİA.NEWS xəbər verir ki, bu barədə ölkənin bəzi senatorları təşəbbüs irəli sürüblər. Onların sözlərinə görə, Apple şirkəti Rusiya qanunvericiliyinin tələblərinə əməl etmədiyi təqdirdə, bu məhsulların ölkəyə gətirilməsi dayandırılmalıdır.
2025-ci il sentyabrın 1-dən etibarən Rusiyada satışa çıxarılan bütün smartfonlarda yerli tətbiqlərin və RuStore adlı rus tətbiq mağazasının quraşdırılması məcburi olacaq. Apple şirkəti isə hələlik bu tələbləri yerinə yetirməyə razılıq verməyib.
Hazırda "iPhone" modelləri Rusiyaya yalnız paralel idxal yolu ilə gətirilir. Apple 2022-ci ildən bu yana Rusiyada rəsmi satışları dayandırıb. Yeni qanun qüvvəyə mindiyi təqdirdə, Apple cihazlarının satışına tam qadağa qoyula bilər. Qərarın tətbiqi ilə bağlı yekun qərarın yaxın aylarda verilməsi gözlənilir.
