Putinlə danışıqlardan Trampa birbaşa — Kürü qutusu

ABŞ prezidentinin xüsusi elçisi Stiv Uitkoff Rusiya Federasiyasının Xabarovsk vilayətinin Nikolayevsk rayonu, Çnırrakh qəsəbəsində istehsal olunan qırmızı kürüdən ibarət bir qutunu ABŞ prezidenti Donald Trampa təqdim edib.

AJMEDİA.NEWS xarici agentliklərə istinadən xəbər verir ki, bu barədə regionun Sənaye və Ticarət Nazirliyi məlumat yayıb.

Kürü yerli balıq emalı zavodunda istehsal olunub. Uitkoff məhsulu ilk dəfə Moskvada, Putinlə danışıqlardan əvvəl Savva restoranında keçirilən nahar zamanı dadıb. Bundan sonra ona bir qutu kürü hədiyyə edilib və o da həmin kürünü Trampa çatdırıb.

Dekabrın əvvəlində Uitkoff Cared Kuşnerlə birlikdə Rusiya prezidenti Vladimir Putinlə danışıqlarda iştirak edib. Görüşdə ABŞ-ın Ukraynadakı müharibənin nizamlanması ilə bağlı təklifləri müzakirə olunub. Danışıqların davamının Mayamidə baş tutacağı gözlənilir.