Pezeşkian Papaya sahib çıxdı – Trampa sərt cavab

İran Prezidenti Məsud Pezeşkian Katolik dünyasının lideri Papa XIV Leo ilə bağlı qalmaqallı açıqlamalara münasibət bildirib.

AJMEDIA.NEWS xəbər verir ki, Pezeşkian Papa barədə səsləndirilən təhqiramiz fikirləri pisləyərək onun ünvanına açıq dəstək nümayiş etdirib:

“Papa XIV Leo həzrətləri, mən böyük İran xalqı adından sizin təhqir edilmənizi pisləyirəm və bəyan edirəm ki, sülh və qardaşlıq peyğəmbəri – İsanın təhqir olunması istənilən azad insan üçün qəbuledilməzdir. Allahdan sizə cansağlığı arzulayıram”.

Xatırladaq ki, bundan əvvəl ABŞ Prezidenti Donald Tramp Papa ilə bağlı sərt və mübahisəli açıqlama vermişdi. O bildirmişdi ki, ABŞ Prezidentini tənqid edən və Vaşinqtonun siyasətinə qarşı çıxan bir Papa istəmir və Vatikan rəhbərinin “hörmətli davranmalı” olduğunu vurğulamışdı.