Bu ölkə Türkiyəyə qarşı SİLAHLANIR: İsraildən 650 milyonluq raket ALIR
11 saat əvvəlPakistan Ermənistanda səfirlik açır
04 Dekabr 2025 09:00 | Baxış sayı: 335
Ermənistan və Pakistanın diplomatik nümayəndələri Pakistanın Ermənistanda səfirliyinin açılması üzərində fəal işləyirlər.
AJMEDIA xəbər verir ki, bu barədə diplomatik mənbələrə istinadla “NEWS.am” portalı məlumat yayıb.
Portalın məlumatına görə, səfirliyin gələn il açılması planlaşdırılır.
Məlumatı Ermənistan Xarici İşlər Nazirliyi də təkzib etməyib.
“Ermənistan və Pakistan arasında diplomatik münasibətlərin qurulmasına dair birgə kommünike imzalamaqla Ermənistan və Pakistan hökumətləri 1961-ci il Diplomatik Münasibətlər haqqında Vyana Konvensiyasına və hamılıqla qəbul edilmiş beynəlxalq təcrübəyə uyğun olaraq qarşılıqlı əsasda diplomatik münasibətlərin qurulması üçün nümayəndələr mübadiləsi və bir-birinə lazımi köməklik göstərməyə razılaşıblar”, - Xarici İşlər Nazirliyi bildirib.
Qeyd edək ki, Ermənistanla Pakistan arasında diplomatik münasibətlər 2025-ci il avqustun 31-də qurulub. Həmin gün Çində iki ölkə arasında diplomatik münasibətlərin qurulmasına dair birgə kommünike imzalanıb.
