Netanyahu Trampın Qəzza üzrə “Sülh Şurası”na daxil olmaq dəvətini qəbul etdi

İsrailin Baş naziri Benyamin Netanyahu ABŞ Prezidenti Donald Trampın təşəbbüsü ilə yaradılan Qəzza sektorunda vəziyyətin nizamlanması üzrə "Sülh Şurası"nın tərkibinə daxil olacağını bəyan edib.

AJMEDİA.NEWS xəbər verir ki, bu barədə İsrail Nazirlər Kabineti rəhbərinin ofisi məlumat yayıb.

Məlumatda qeyd olunub ki, Baş nazir Benyamin Netanyahu ABŞ Prezidenti Donald Trampın dəvətini qəbul edib və tərkibinə dünya liderlərinin daxil olacağı "Sülh Şurası"nın üzvü olacaq.