Nəsimidə Süleyman Rüstəm və Mirhəşimov küçələrinin kəsişməsində qanunsuz tikinti: İH uşaqların əyləncə yerin də satdı?

Nəsimi rayonunda qanunsuz tikintilər yerli məmurların himayəsi ilə davam etdirilir.

Paytaxt.org-a daxil olan vətəndaş şikayətində bildirilir ki, Nəsimi rayonunda Süleyman Rüstəm və Mirhəşimov küçələrinin kəsişməsində aparılan qanunsuz tikintidən ərazidə yaşayan sakinlər narazıdır.

Onların sözlərinə görə, heç bir rəsmi icazəsi olmadan aparılan bu qanunsuz tikinti, həyətdə uşaqların oynaması üçün olan kiçik ərazini belə zəbt edib satıblar. Qanunsuz obyekt və fərdi tikililərin ucbatından gələcəkdə binada yaşayanlar gün işığından tamami ilə məhrum olunacaq. Baş verən qanunsuz tiklilərlə bağlı Dövlət Şəhərsalma və Arxitektura Komitəsi və Fövqəladə Hallar Nazirliyi isə məsələyə münasibət bildirmək istəmir. Məsuliyyətin Nəsimi RİH-nin üzərində olduğunu və ya ərazidə tikinti aparan işbazın yüksək dairələr tərəfindən himayə olunduğunu dolayısı ilə bildirir.

Qeyd edək ki, Nəsimi rayonu ərazisində bir çox qanunsuz tikintiyə qanuni don geyindirən yerli məmurlar da var. Deyilənə görə, həmin kabinet idarəçiləri imkanlı işbazla həmçinin Dövlət Şəhərsalma və Arxitektura Komitəsinin məsul şəxsləri ilə isti münasibəti var.

Onu da bildirək ki, 2024-cü ilin sentyabr ayında keçirilən deputat seçkilərində Nəsimi rayon İcra Hakimiyyətinin başçısı Asif Əsgərov deputat seçildiyi üçün bu vəzifə artıq boşdur. Nəsimi rayon icra Hakimiyyətində hazırda başçının 1-ci müavini vəzifəsində Gülarə Verdiyeva çalışır. G.Verdiyeva 2013-cü ilin noyabr ayından Nəsimi rayon İcra Hakimiyyətində humanitar məsələlər üzrə müavin, 2017-ci ilin fevral ayından Nəsimi rayon İcra Hakimiyyəti Başçısının birinci müavini vəzifəsində çalışır. Nəsimi rayon İcra Hakimiyyətinin başçısının digər iki müavini isə Zahid Xəlilov və Ramiz Quliyevdir. İcra Hakimiyyətində tikintilərə məsul şəxslərdən biri isə rayon təsərrüfatı şöbəsinin müdiri Asim Rzayevdir.

Daha sonra bildirilir ki, müvafiq qurumlar yaşayış məntəqələrində aparılan hər hansı tikinti işlərindən anında xəbər tutub hərəkətə keçirlər, amma təəssüflər olsun ki, Nəsimi rayonunda aparılan qanunsuz tikinti işlərinə müdaxilə etmək istəmirlər. Nəticədə də rayon ərazisindəki qanunsuz tikintilər isə icra hakimiyyətinin səlahiyyətli şəxslərinin xeyir- duası ilə həyata keçirilir və heç bir rəsmi icazə sənəd olmadan müxtəlif obyektlər inşa edilir, deyə sayta daxil olan şikayətdə iddia olunub.