"Müharibə HƏMAS-ın tərksilahından və Qəzzanın silahsızlaşmasından sonra bitəcək" - Netanyahu

Qəzzada müharibə HƏMAS və İsrail arasında sülh razılaşmasının bütün şərtləri yerinə yetirildikdə sona çatacaq.

AJMEDİA.NEWS-un "The Times of Israel"ə istinadən verdiyi xəbərə görə, bu barədə İsrailin Baş naziri Benyamin Netanyahu bildirib.

"Bu (müqavilə - red.) ilk növbədə, birinci mərhələni - bütün girovlarımızın qaytarılmasını əhatə edir. Biz hazırda bunun üzərində işləyirik", - o qeyd edib.

Netanyahunun sözlərinə görə, İsrail razılaşmanın tam yerinə yetirilməsində qətiyyətlə israrlıdır.

"Əgər HƏMAS silahlarını yerə qoymaqdan imtina edərsə, biz buna güc yolu ilə nail olacağıq. Yalnız HƏMAS tərksilah edildikdən və Qəzza demilitarizasiya edildikdən sonra müharibə nəhayət başa çatacaq", - İsrailin Baş naziri vurğulayıb.