Mingəçevirdə fəaliyyət göstərməyən şirkət tenderin qalibi olub

Mingəçevir Şəhər Mənzil-Kommunal Təsərrüfatı İstehsalat Birliyi tərəfindən keçirilən tender müsabiqəsinin (Kotirovka) qalibi məlum olub.
AJMEDİA xəbər verir ki, tender müsabiqəsinin qalibi “Qazıxanlı” MMC (VÖEN- 2700459731) olub.

Müsabiqənin şərtlərinə görə, Mənzil-Kommunal Təsərrüfatı İstehsalat Birliyi “Qazıxanlı” MMC-dən dəftərxana və təsərrüfat malları alacaq və bunun üçün 6 min 295 manat 6 qəpik vəsait ödəniləcək.

Qeyd edək ki, tender müsabiqəsinin qalibi olan “Qazıxanlı” MMC 2009-cu ildə dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Mingəçevir şəhəri, A. Məmmədov, ev 16, m. 4-də yerləşir. Nəbiyev Allahverdi Vəli oğlunun rəhbərlik etdiyi “Qazıxanlı” MMC barəsində açıq mənbələrdə ətraflı məlumat mövcud deyil.

Məlumat üçün onu da bildirək ki, Dövlət Vergi Xidmətinin reyester məlumatlarında “Qazıxanlı” MMC-nin “Passiv” vergi ödəyicisi olduğu göstərilir. Bu günə (17.07.2025) olan məlumata görə “Qazıxanlı” MMC kommersiya qurumu kimi fəaliyyət göstərmir. Tender müsabiqəsi ilə bağlı açıqlanan rəsmi məlumatda göstərilir ki, müsabiqə şərtlərinin icrası iyul ayının 7-dən dekabr ayının 30-na kimi davam edəcək. Fəaliyyət göstərməyən şirkətin tender müsabiqəsinin şərtlərini necə yerinə yetirəcəyi ilə bağlı isə məlumat mövcud deyil.//yeniavaz.com