İran və Avropanın 3 ölkəsi nüvə danışıqlarını bərpa etmək barədə razılığa gəliblər
8 saat əvvəlMessi Ronaldonu geridə qoydu
20 İyul 2025 10:00 | Baxış sayı: 404
Amerikanın “İnter Mayami” klubunun argentinalı hücumçusu Lionel Messi penaltilər istisna olmaqla, karyerasında vurduğu qolların sayına görə Səudiyyə Ərəbistanının “Əl-Nəsr” klubunun portuqaliyalı hücumçusu Kriştianu Ronaldonu geridə qoyub.
AJMEDİA xəbər verir ki, Böyük Futbol Liqasının (MLS) müntəzəm çempionatının “Nyu-York Red Bullz”la səfər matçında (5:1) iki qol vuran Messinin qollarının sayə 874-ə çatıb. Messinin vurduğu bu qollar arasında 764-ü penaltidən vurulmayıb.
Ronaldo isə rəsmi oyunlarda ümumilikdə 938 qol vurub. Lakin portuqaliyalının penaltidən vurulmayan qollarının sayı 763 olub. Bununla da, Ronaldo penaltidən vurulmayan qollarının sayına görə, Messidən 1 top geridə qalıb.
Ümumilikdə, Messi karyerası ərzində 1114, Ronaldo isə 1281 peşəkar oyun keçirib.
Messi son 7 matçda altıncı dublunu qeydə alıb. O, MLS tarixində ardıcıl beş oyunda iki qol vuran ilk oyunçu olub.
Digər tərəfdən, futbol tarixinin ən yaxşı bombardirləri siyahısında da ilk iki yeri Ronaldo və Messi tutur.
