Messi futbolla vidalaşdıqdan sonra nə edəcəyini AÇIQLADI

"İnter Mayami"nin argentinalı hücumçusu Lionel Messi "Luzu TV"yə verdiyi müsahibədə karyerasını bitirdikdən sonra özünü harada gördüyü ilə bağlı sualı cavablandırıb.

AJMEDİA.NEWS xəbər verir ki, Messi məşqçi olmaq istəmədiyini deyib:

"Düzünü desəm, özümü məşqçi kimi görmürəm. Menecer olmaq fikrini bəyənirəm, amma seçim etməli olsaydım, sahib olmağı üstün tutardım. Öz klubuma sahib olmaq və onu sıfırdan inkişaf etdirmək, gənc oyunçulara və digər insanlara inkişaf etmək və vacib bir şeyə nail olmaq imkanı vermək - məni ən çox cəlb edən budur"

Xatırladaq ki, 2025-ci ilin oktyabr ayında 38 yaşlı Messi Amerika klubu ilə müqaviləsini 2028-ci ilin sonuna qədər uzadıb.