Magyar bu tarixdə and içəcək

Macarıstanda keçirilən son parlament seçkilərində qalib gələn “Tisza” partiyasının lideri Peter Magyarın Baş nazir kimi andiçmə mərasimi mayın 9-da keçiriləcək.

AJMEDİA.NEWS xəbər verir ki, bu barədə Magyar özü “X” sosial şəbəkəsindəki hesabında yazıb.

“Mayın 9-da Baş nazirin rəsmi andiçmə mərasimindən sonra siyasi dəyişiklikləri qeyd etmək üçün Budapeştdə Koşut meydanında bayram tədbiri keçirəcəyik”, - paylaşımda deyilir.

Xatırladaq ki, aprelin 12-də Macarıstanda parlament seçkiləri keçirilib. Seçkilərin nəticələrinə əsasən, Avropa parlamentinin deputatı, mühafizəkar siyasətçi Peter Magyarın rəhbərlik etdiyi “Tisza” partiyası parlamentdə konstitusiya çoxluğunu əldə edib. 16 ildir hakimiyyətdə olan V.Orban rəsmən məğlubiyyətini etiraf edib.