Bu ölkə Türkiyəyə qarşı SİLAHLANIR: İsraildən 650 milyonluq raket ALIR
13 saat əvvəlKollecin həyətində kəsilən ağaca görə fəhlə 2 min manat cərimə edildi
17 Noyabr 2025 13:20 | Baxış sayı: 370
Gəncə Dövlət Universitetinin nəzdində fəaliyyət göstərən Regional Kollecin həyətində ağacın kəsilməsi ilə bağlı cərimə tətbiq edilib.
AJMEDIA.NEWS xəbər verir ki, Ekologiya və Təbii Sərvətlər Nazirliyinin 10 saylı Regional Ekologiya və Təbii Sərvətlər İdarəsi tərəfindən aparılan yoxlama zamanı kollecin həyətində bir ədəd aylant ağacının kəsildiyi müəyyən edilib.
Ağacın kəsilməsinə görə kollecdə fəhlə işləyən şəxsə 2 min manat məbləğində cərimə yazılıb. Lakin cərimələnən şəxs və kollecin rəhbərliyi qərarla razılaşmayaraq bildiriblər ki, ağac quruduğu üçün kəsilib.
Fəhlə cərimə qərarından narazı qalaraq məhkəməyə müraciət edib, cərimənin ləğv olunmasını tələb edib. Məhkəmə şikayəti araşdırsa da, iddianı əsassız hesab edərək fəhlənin müraciətini təmin etməyib.
