İsrailin “Eurovision 2026”da iştirakına icazə verildi − Dörd ölkə boykot etdi

İsrail 2026-cı ildə Vyanada keçiriləcək “Avroviziya” mahnı müsabiqəsində iştirak edəcək.
AJMEDIA xəbər verir ki, bu barədə Avropa Yayım Birliyinin Cenevrədə keçirilən Baş Assambleyasında səsvermədən sonra qərar qəbul edilib.

Səsvermə gizli yolla keçirilib və Qəzzadakı müharibə və bir sıra Avropa yayımçılarının təzyiqləri fonunda gərgin müzakirələrlə yadda qalıb. Qərar boykota səbəb olub: İspaniya, Niderland, Sloveniya və İrlandiya müsabiqədən çıxdıqlarını elan etdilər.

İclas iştirakçılarının sözlərinə görə, Almaniya İsrailə birmənalı dəstək ifadə edib, İspaniya, Belçika, Sloveniya və Türkiyə isə onun iştirakına açıq şəkildə etiraz ediblər. Böyük Britaniya müsabiqəni siyasiləşdirməməyə çağırıb, Ukrayna isə Rusiyanın kənarlaşdırılması ilə müqayisənin yersiz olduğunu vurğulayıb. İspaniya həmçinin İsrailin iştirakçılar siyahısında qalması şərti ilə yalnız neytral bayraq altında çıxış edəcəyi təqdirdə iştirak etməyə davam edəcəyini bəyan edib.