İsraildə İranla atəşkəsə etirazlar: Şər aradan götürülənədək dayanmamalıyıq

İsrail parlamentinin deputatı Den İlloz İrana qarşı hərbi əməliyyatların dayandırılmasına qarşı olduğunu bildirib.

AJMEDIA.NEWS xəbər verir ki, o, İranın tam məğlub edilməli olduğunu deyib.

“İrandakı rejim razılaşmaların bağlandığı bir rejim deyil, ancaq məğlub edilməli olan bir rejimdir. Qərar istədiymizi əldə etdikdə verilməlidir. Onlarla imzalanması lazım olan yeganə razılaşma onların kapitulyasiya aktı ola bilər. Bu, təkcə nüvə silahları, raketlər və ya terrorun maliyyələşdirilməsi məsələsi deyil, bunlar sadəcə vasitələrdir, bu, İsraili məhv etməyi hədəfləyən bir ideologiyaya qarşı mübarizədir. O, məğlub edilməsə, yeni vasitələr tapacaq.

Bizə şəri aradan qaldırmaq üçün bir dəfə fürsət verilib, onu məğlub edənə qədər dayanmamalıyıq”, - İlloz vurğulayıb.

İsrailin sabiq müdafiə naziri Aviqdor Liberman da İranla atəşkəs razılaşmasına qarşı çıxıb.

Xatırladaq ki, ABŞ Prezidenti Donald Tramp bundan əvvəl İsrail və İran arasında atəşkəs razılaşması əldə olunduğunu və onun artıq qüvvəyə mindiyini açıqlayıb. Dövlət başçısı tərəfləri atəşkəsə əməl etməyə çağırıb.