"İsrail terrorla mübarizəni davam etdirəcək" - Ronen Krausz

İsrail terror və ona zərər vurmağa çalışan hər kəsə qarşı mübarizəsini davam etdirəcək.

AJMEDİA.NEWS xəbər verir ki, bunu İsrailin Azərbaycandakı səfiri Ronen Krausz bu gün Yerusəlimdə baş verən atışma hadisəsini şərh edərkən bildirib.

"Yerusəlimi yenidən terror bürüdü. Beş günahsız vətəndaş həlak oldu, çoxlu yaralı var. Yaralılara tez bir zamanda sağalmalarını arzulayırıq. İsrail terrora və ölkəyə zərər vurmağa çalışanlara qarşı mübarizəsini davam etdirəcək. Onlar qalib gəlməyəcəklər", - diplomat "X" sosial şəbəkəsində yazıb.

Qeyd edək ki, iki fələstinli Yerusəlimin şimalında sərnişin avtobusuna atəş açıb. Son məlumatlara görə, beş nəfər həlak olub, 20 nəfər xəsarət alıb.