İsrail Qəzzada öldürülən iki girovun nəşini qəbul edib

Qəzza zolağındakı İsrailin hərbi qüvvələri Beynəlxalq Qızıl Xaç Komitəsinin vasitəçiliyi ilə anklavda öldürülən girovların nəşinin olduğu daha iki tabutu alıb.

AJMEDİA.NEWS-un məlumatına görə, bu barədə İsrailin Baş naziri Benyamin Netanyahunun Dəftərxanası xəbər yayıb.

Məlumata görə, hərbçilər yaxın vaxtlarda tabutları İsrail ərazisinə aparacaq və orada məhkəmə-tibb ekspertləri şəxsiyyətin müəyyənləşdirilməsi prosesini keçirəcəklər.

Dəftərxana qeyd edib ki, girovların qaytarılması üzrə işlər fasiləsiz davam edir və oğurlananların sonuncusu qaytarılana qədər dayanmayacaq.