İsrail İrana açıq mesaj verdi: “Uzun əlimiz yenə işə düşə bilər”

İsrail Müdafiə Qüvvələri İrana qarşı yeni hərbi zərbələrin mümkünlüyünə açıq işarə edib.

AJMEDİA xəbər verir ki, bu barədə İsrail ordusunun Baş Qərargah rəisi Zamir planlaşdırma idarəsinin rəhbərinin dəyişdirilməsi mərasimində çıxışı zamanı bildirib.

Zamir vurğulayıb ki, İsrail ordusunun əsas təhlükə mərkəzində İran dayanır və bu istiqamətdə aparılan mübarizə artıq əhəmiyyətli nəticələr verib:

“Düşmənlərimiz İsrail ordusunun uzun əlinin zərbəsini bir daha hiss etdilər. Bu əl lazım olan yerdə – yaxın və uzaq cəbhələrdə – zərbələr endirməyə davam edəcək”, – deyə o qeyd edib.

İsrailin hərbi müxbirləri bu bəyanatı Tehrana ünvanlanmış açıq xəbərdarlıq kimi qiymətləndiriblər. Onların fikrincə, Zamirin sözləri İsrailin İrana qarşı yeni hərbi əməliyyatlara hazır olduğunu göstərir.//musavat.com