İsrail HHQ İranın F5 qırıcılarını vurub, onlarla hərbi obyektinə zərbələr endirib

İsrailin Hərbi Hava Qüvvələri (HHQ) Dezful hava limanında İrana məxsus iki F5 qırıcısına, eləcə də ölkənin mərkəzi hissəsində onlarla hərbi obyektə zərbələr endirib.

"Report"un xəbərinə görə, bu barədə İsrailin Müdafiə Ordusunun Mətbuat xidməti məlumat yayıb.

"İsrailin Hərbi Hava Qüvvələrinin təyyarələri İranın Dezful hava limanında iki F5 döyüş təyyarəsinə hücum edib. Bundan əlavə, bu səhər hücumlar zamanı səkkiz, o cümlədən İsrail ərazisinə dərhal raket atmağa hazır olan altı buraxılış qurğusu məhv edilib", - açıqlamada deyilir.

İsrailin Hərbi Hava Qüvvələri həmçinin “İran Hərbi Hava Qüvvələrinin həmin yerdəki hərbi infrastrukturdan istifadəsinin qarşısını almaq üçün İsfahan hava limanındakı hərbi hədəflərə” hücum edib.

Bundan əlavə, iyunun 21-də axşam saatlarında “İsrail Hərbi Hava Qüvvələrinə məxsus 20 qırıcı təyyarə İranın mərkəzində onlarla hərbi obyektə hücum edib”, - mətbuat xidməti əlavə edib. “Hücum edilən hədəflər arasında partlayıcı maddələrin istehsalı üçün komponentlərin olduğu hərbi obyekt, silah anbarı və istehsalat obyektləri, İranın hava hücumundan müdafiə sistemləri olub”, - məlumatda bildirilir.