İsrail ABŞ-nin Venesueladakı hərbi əməliyyatını dəstəklədi

İsrailin Baş naziri Benyamin Netanyahu ABŞ-nin Venesuelaya qarşı verdiyi qərarı və həyata keçirilən hərbi əməliyyatı tam dəstəklədiklərini bildirib.

AJMEDİA.NEWS xəbər verir ki, bu barədə xarici KİV-lər məlumat yayıb.

B. Netanyahu qeyd edib ki, bu addım dünyada digər bölgələrdə azadlıq və ədalətin bərpasına yönəlib.

O həmçinin Latın Amerikası ölkələrində ABŞ ilə əlaqələrin bərpası və İsraillə münasibətlərin yenilənməsi istiqamətində tarixi dəyişikliklərin baş verdiyini vurğulayıb:

"İsrail hökuməti ABŞ-nin Venesuelaya dair qəti qərarını və kəskin hərəkətini tam dəstəkləyir. Bu, dünyanın başqa bir bölgəsində azadlıq və ədalətin bərpası ilə bağlıdır. Latın Amerikası ölkələrində tarixi bir dəyişiklik müşahidə olunur, ölkələr ABŞ ilə əlaqələrini bərpa edir və İsraillə münasibətləri yeniləyirlər".