İrandan BƏƏ-yə xəbərdarlıq: "Bütün maraqlarınız hədəfə alına bilər"

"Əgər Əbu-Dabi mövcud vəziyyətdə Tehrana qarşı hər hansı bir qeyri-rasional addım atmaq qərarına gələrsə, Birləşmiş Ərəb Əmirliklərinin (BƏƏ) regiondakı maraqları İran silahlı qüvvələrinin hədəfinə çevriləcək".

AJMEDIA.NEWS xəbər verir ki, bu barədə İranın "Tasnim" xəbər agentliyi yüksəkrütbəli mənbəsinə istinadən məlumat yayıb.

Mənbə əlavə edib ki, regiondakı qeyri-sabitlik BƏƏ üçün ölümcül təhlükə yaradır.

Xatırladaq ki, Birləşmiş Ərəb Əmirlikləri (BƏƏ) hökuməti İran tərəfindən ölkə ərazisindəki mülki infrastruktura edilən hücumlara sərt reaksiya verib. BƏƏ hücumları qətiyyətlə qınayaraq, bu hərəkətlərə cavab vermək üçün qanuni hüquqlarını özlərində saxladıqlarını bəyan edib.