İran və Küveyt arasında yeni gərginlik başladı

İran xarici işlər naziri Abbas Araqçi Küveytin İran gəmisinə hücum etdiyini və dörd İran vətəndaşını saxladığını açıqlayıb.

AJMEDIA.NEWS xəbər verir ki, Araqçi sosial şəbəkə hesabında bildirib ki, hadisə Fars körfəzində, ABŞ-nin İrana qarşı əməliyyatlar üçün istifadə etdiyi ada yaxın ərazidə baş verib. Onun sözlərinə görə, Küveyt qüvvələri İran gəmisinə qanunsuz müdaxilə edib və İran İslam Respublikasının dörd vətəndaşını saxlayıb.

İran XİN rəhbəri bu addımı “qanunsuz akt” adlandıraraq saxlanılan şəxslərin dərhal azad edilməsini tələb edib.

Araqçi vurğulayıb ki, Tehran cavab tədbirləri görmək hüququnu özündə saxlayır.