İran və İsrail atəşkəsə belə razılaşıbmış: Gizli danışıqlar

İsrail və İran arasında razılaşdırılmış atəşkəsin Qətər və ABŞ-ın diplomatik vasitəçiliyi ilə mümkün olduğu məlum olub.

Məsələ ilə tanış mənbələrin verdiyi məlumata görə, bu proses bir neçə mərhələdə baş tutub və diqqətlə koordinasiya olunub. OSINTdefender yazır ki, ABŞ hərbi bazasına endirilən zərbədən sonra İran Qətər vasitəsilə Ağ Evə mesaj göndərib. Mesajda Tehran bildirib ki, cavab əməliyyatı başa çatıb və bundan sonra əlavə hücumlar olmayacaq.

Vaşinqton öz növbəsində, İrana hərbi cavab verməyəcəyini və əvəzində nüvə sazişi ilə bağlı danışıqlara yenidən başlamağa hazır olduğunu bəyan edib.

Daha sonra ABŞ ilə İsrail, eləcə də Qətər ilə İran arasında atəşkəsin şərtləri və başlama vaxtı ilə bağlı intensiv məsləhətləşmələr aparılıb. Nəticədə tərəflər atəşkəsin baş verməsi ilə bağlı razılığa gəliblər.

Bu diplomatik proses Qətərin regiondakı vasitəçi rolunu bir daha önə çıxarır. Eyni zamanda, Vaşinqtonun Tehranla birbaşa təmaslara açıq olması İran-ABŞ münasibətlərində yeni mərhələnin başlaya biləcəyi ehtimalını gücləndirir.//musavat.com