“İran və Danimarka ABŞ-nin növbəti hədəfi ola bilər” − “Guardian”

Yanvarın 3-də ABŞ-nin Venesueladakı mülki hədəflərə endirdiyi zərbədən sonra İran və Danimarka Vaşinqtonun növbəti hədəfi ola bilər.
AJMEDIA xəbər verir ki, bu barədə “Guardian” qəzeti məlumat yayıb.

Qəzet yazır ki, Venesuelada bir gecədə baş verənlər Trampın radikal tədbirlər görməyə həvəs göstərdiyi İran və Danimarka kimi hökumətləri dərhal narahat edəcək.

Qeyd edək ki, yanvarın 3-də Venesuelanın xarici işlər naziri İvan Gil Pinto ABŞ-nin Karakasda mülki və hərbi obyektlərə hücum etdiyini açıqlayıb. O, Vaşinqtonun hərəkətlərini hərbi təcavüz adlandırıb. Venesuelada fövqəladə vəziyyət elan edilib. Tramp ABŞ qüvvələrinin respublikaya qarşı irimiqyaslı zərbələr endirdiyini təsdiqləyib. O, Maduro və həyat yoldaşının əsir götürülərək ölkədən çıxarıldığını bildirib.